Shikoni se sa është ftohtë në SHBA, fanella ngrihet për një minutë! (VIDEO)

1. Se sa është ftohtë aktualisht në SHBA, prej të cilit kanë mbetur shumë të vdekur, më së miri mund ta shihni në këtë video.
2. Kjo është bërë në Iowa, ku një person tregon se si një fanellë normale ngrihet për 60 sekonda.
3. Temperatura në SHBA kanë shkuar më të larta se -30 duke u llogaritur kështu një nga dimrat më të mëdhenj të dekadave të fundit.

Raport i frikshëm, 14% e nxënësve pinë marijuanë në shkollë!

Jo vetëm cigare dhe pije alkoolike, por edhe marijuanë. Raporti më i fundit i Inspektoratit Shtetëror të Arsimit nxjerrë në pah problemet që kanë nxënësit, duke ngritur një shqetësim të madh për shoqërinë shqiptare. Janë 14% e nxënësve që pinë marijuanë në mjediset e shkollës, ndërkohë që kjo shifër mund të jetë më e lartë, nëse merren për bazë dhe të dhënat jashtë saj. Në studimin e ISHA-s janë pyetur nxënësit e 3 shkollave të Tiranës dhe konkretisht në gjimnazin “Besnik Sykja”, në shkollën e mesme profesionale “Arben Broci” dhe shkollën 9-vjeçare “Kamza e Re”. Përveç marijuanës nxënësit nuk ngurrojnë që të pinë cigare (22%) dhe pije alkoolike (38%) në shkollë. Po kështu brezat e ardhshëm nuk ndihen të sigurtë në mjediset e shkollës dhe rreth 42% e tyre lënë orët e mësimit.

Nga zhvillimi i 1435 pyetësorëve me nxëës të klasave të XI-ta dhe XII-ta, rezulton se:

a) 22% e nxënësve, (312 nxënës) nuk ndihen të sigurt në mjediset e shkollave;

b) 42% e nxënësve, (600 nxënës) nuk ndihen të sigurt në mjediset e tualeteve të shkollës;

c) 28 % e nxënësve, (401 nxënës) grinden mes tyre në shkollë dhe rreth saj;

d) 22% e nxënësve (322 nxënës) konsumojnë pije alkoolike;

e) 38% e nxënësve, (559 nxënës) pinë duhan në mjediset e shkollës dhe jashtë saj;

f) 14 % e nxënësve, (203 nxënës) përdorin lëndë narkotike të tipit marijuanë;

g) 42% e nxënësve, (744 nxënës) lënë orët e mësimit.

Vdekja vjen papritur, keni kujdes me jetën tuaj...!

“Ju njerez dine se jeta e kesaj bote nuk eshte tjeter vetem se loje, kalim kohe ne argetim, stoli , krenari mes jush dhe perpjekje ne shtimin e pasuris dhe te femijeve…(Hadid – 20).

“O ju qe keni besuar, as pasuria e juaj dhe as femijet tuaj te mos u shmangin prej adhurimit ndaj Allahut , e kush bene ashtu te tillet jane mu ata humburit. Dhe jepni nga ajo qe ne u kemi dhene juve , para se ndonjerit prej jush t’i vije vdekja e ateher te thote: O Zoti im ,perse nuk me shtyre edhe pak afatin (e vdekjes), qe te jepja lemoshe te behesha prej te mireve…!”(El Munafikun: 9 – 11).

… Ku do qe te jeni vdekja do tju kap, po edhe qofshi ne keshtjella te fortifikuara”. (En Nisa : 78 ). 

… O i mjeri un qe kame lene mangu respektin ndaj Allahut dhe qe kame qen prej atyre qe talleshin!” (Ez-Zumer: 56 ).

Bananet e kuqe me te shendetshme se te verdhat

• 

  Banania e kuqe rritet në Amerikën e Jugut dhe në Azi dhe është një nga varietetet më të shijshme të bananes, e njohur me emrat e përbashkëta «Nendran» dhe «Ethakai». Ajo ka një pamje të mrekullueshme për shkak të ngjyrës së kuqe të lëkurës. Banania është një nga frutat më të njohura në botë, të cilën e duan fëmijët dhe të rriturit. Ajo është një fryt të cilin e gjen në çdo sezon, e ëmbël, e lehtë për tu gjetur dhe nuk ka fara! Banania përmban shumë vitamina dhe minerale, dhe kjo e bënë atë një frut shumë të shëndetshëm. Edhe pse bananet e verdha janë të njohura për vetitë ushqyese që ato përmbajnë, “kushërirat” e tyre të kuqe, janë të shëndetshme sepse tuli i tyre ka sasi të mëdha karoteni dhe nivele më të larta të vitaminës C.
• Bananet e kuqe, megjithëse i gjen rrallë në tregjet evropiane, mund të hahen të papërpunuara ose të përdoren në gatim në shumë lloje mënyrash. Një tipar i veçantë i tyre është aroma më e fortë dhe shija më e ëmbël, në krahasim me bananen e verdhë.
• Tuli i tyre ka një ngjyrë trëndafili, sikur ka marrë pak nga ngjyra e kuqe e lëkurës, kurse shija ngjason me atë të manaferave, ndërsa sasia e madhe e sheqernave që ato përmbajnë është ideale për përdorimin në ëmbëlsira. Por më e bukur mbetet pamja e tyre e kuqe dhe ndritshme e varur në pemë!
• 
  

E dhimbshme: Djali sirian para vdekjes tha: Do t’i tregoj Zotit...

Historia e trishtuar e djalit vjeçar që u plagos në luftën në Siri, është shpërndarë me shpejtësi në rrjetet sociale.

Fëmija kishte pësuar lëndime të rënda, përfshirë edhe gjakderdhjen e brendshme të cilët mjekët nuk ishin në gjendje ta ndalin.

Edhe pse i vogël, ai ndjeu se do të vdiste. Para vdekjes tha: “Do t’ia tregoj të tërat Zotit (për luftën dhe tmerrin që po ndodhë)”! 

Bullgari: Prifti Atans Mihailov pranoi fenë Islame!

Atans Mihailov i cili shkoi në të njëjtën klasë me metropolitin aktual Plovdiv Nikolain në shkollën meshtarake të Shën Ivan Rilskit në Sofje, shërbeu 20 vjet si prift në kishën e Sofjes. Mihailov, i cili kohë më parë ishte larguar nga aktivitetet kishtare, për fe të tij ka zgjedhur Islamin.

Myftiu i Sofjes, Mustafa Izbistali, më 27 nëntor, në xhaminë kryesore të Sofjes, pas namazit të ikindisë, ka bërë të ditur se Atanas Mikhailov zgjodhi Islamin për fe të tij dhe u bë musliman, duke ndërruar emrin në Abdullah.

Mihailov, i cili tani quhet Abdullah, thotë se ka kohë që e kërkon vërtetën, dhe kjo ka qenë arsye e vetme që e ka shtyrë ta pranoj Islamin.

Myftiu lajmin dhe fotografinë e priftit të konvertuar e kishte vënë në faqen zyrtare të Myftinisë, duke e titulluar “ Ish prifti ortodoks e përqafon Islamin”. O Zoti ynë, ne të lutemi që të na drejtosh në rrugën e drejtë dhe të na mbrosh nga rruga e të humburve

Mihailov vërtetoi fjalët e myftiut, duke thënë se ai tashmë ka shkëputur të gjitha lidhjet me Kishën Ortodokse Bullgare.

Për shkak të reagimeve të fuqishme rreth titullit të lajmit, në faqen e internetit është ndryshuar titulli, dhe në vend të tij janë vendosur vargjet kur’anore. Megjithatë, edhe ky gjest i Myftinisë nuk i ka qetësuar tensionet.

Thahet liqeni, del ura shekullore

Ulja e nivelit të liqenit më të madh me ujë të ëmbël në Kinë, ka nxjerrë në pah një urë historike të ndërtuar në kohën e perandorisë Ming, e cila ishte lënë në harresë.

Mbetjet e urës 2900 metra të gjatë u treguan në një pjesë të liqenit Poyang, i cili viteve të fundit u zvogëlua ndjeshëm, ku një pjesë e tij u tha. Sipas ekspertëve ura që doli nga tharja e liqenit, është ndërtuat para 400 vitesh nga dinastia Ming (1368-1644).

Liqeni i madh Poyang, në provincën Jiangxi, mbulon një sipërfaqe prej 4500 kilometrash katrorë. Niveli i tij i ujit.

Supermilioner që në moshën 17-vjeçare

Nick D`Aloisio ka fituar 30 milionë dollarë në moshën 17-vjeçare me anë të programit të shkruar nga vetë ai. Nxënës i një shkolle të mesme në Angli, 17-vjeçari në fjalë ia ka shitur programin e tij të celularëve “Yahoo”-së për shumë miliona dollarë.

Programi i  D‘Alosios njihet me emrin “Summly” dhe bën një përmbledhje të lajmeve të mediave më popullore për përdoruesit e celularëve.

Megjithëse palët refuzojnë të flasin për çmimin e tij, gazeta “Finacial Times” dhe agjencia e lajmeve “Reuters” flasin për një shumë prej 30 milionë dollarësh.

Krahas kësaj bëhet e ditur se D‘Aloisio ka zënë një pozicion të lartë në “Yahoo”.

“Yahoo” tani do të mbyllë programin “Summly” por veçoritë e tij do t’i përdorë në produktet mobile.

Marrëveshja e bërë mes “Yahoo”-së dhe D’Aloisios e ka bërë atë një nga të pasurit më të rinj në botë. Por meqë është akoma minoren kompaninë e drejton nëna e tij.

“Më pëlqejnë këpucët. Ma merr mendja se do të blej një pale këpucë të reja. Por tani për tani dua të mbledh para dhe t’i investoj në bankë”, u shpreh D’Aloisio për gazetën “London Evening Standard”.

Si e shkroi një program të tillë?

I riu me prejardhje nga Australia pohon se një mendim i tillë i ka lindur ndërsa mësonte për provimin e historisë.

Duke pohuar se shikimi i rezultateve të kërkimit në “Google” të ha shumë kohë, D’Aloisio me ndihmën e një metode “kërkimi natyral” kishte gjetur mënyrën e vendosjes së lajmeve në ekranin e një telefoni të vetëm, përmbledhjen në 400 karaktere.

Sipas lajmit të publikuar në “Financial Times” thuhet se D’Aloisio nuk ka marrë ndihmë nga askush, e ka zhvilluar krejtësisht vetëm.

Që në moshën 9 vjeçare ka mësuar të shkruajë programe animacioni.

Mësoni se kush është 121 vjeçari që falet dhe agjëron

Ky është një tregim për plakun turk që është i lindur në vitin 01.07.1892, por që edhe sot e kësaj dite e kryen obligimn e agjërimit.

Në bisedën për agjencinë Anadolia, Hasan Gazer (121), i cili jeton në lagjen Ulus të qytetit turk Sirt, tregon se ka pesë djemë dhe dhe pesë vajza 213 nipëra, stërnipëra dhe stërstërnipëra numrin e të cilëve nuk e di as vetë, njofton portali “Islamski centar”.
Gezeri i cili për momentin jeton me djalin më të vogël Abdullahun, i cili ka shtatëdhjetë vjet, i kryen në mënyrë të pavarur të gjitha obligimet dhe nevojat e tij, ndërsa edhe përkundër viteve, pa vështirësi e agjëron edhe Ramazanin.
Gezeri, është i lindur në fshatin Eruh dhe tërë jetën e tij e ka kaluar si çoban në kërkim të kullotave më të mira për bagëtinë e tij.
“Ishim në fshat e tani jemi në qytet dhe e shitëm gjithë bagëtinë. Jemi të mbyllur në mure të qeta të zhurmës së qytetit dhe e presim fundin e jetës. E kam të vështirë t’i kujtoj ndodhitë e shekujve të kaluar, por e di se jam rritur në varfëri dhe kam bërë punë të rënda fizike. Jetën e kalova duke i ushqyer bagëtinë dhe duke mbijetuar në natyrë dhe me begatitë e saj. Për jetën time të gjatë me siguri merita kanë, gruri, elbi, misri dhe djathi. Gjithmonë kam pirë shumë qumësht. Jeta e sotme aspak nuk më pëlqen. Dëshiroj ta kthej kohën e mëparshme”, thotë plaku Gezer.
Ky është edhe një shembull i rrallë për jetëgjatësi, ndërsa sipas të dhënave jozyrtare në Wikipedia, njeriu më i vjetër në botë, kinezi Li Çing-Juen (197) ka jetuar në periudhën 1736-1933, ndërsa i dyti në listë është turku Zara Aga (157) nga Bitlisi, i cili ka jetuar në periudhën 1777-1934.
Nga ana tjetër, njeriu më i vjetër sipas Librit të rekordeve të Ginisit është Kireomon Kimura (116) nga Japonia, i cili vdiq në qershor të këtij viti.

E pabesueshme per syrin e njeriut: Qyteti kinez i bërë tërësisht prej akulli

TOKIO, 2 janar (AIP)  -Për ndertimin e ketij “qyteti nga akulli” janë angazhuar me shume se 10,000 punëtorë te cilet njëkohësisht janë edhe duke jetuar në skulptura mbresëlënëse që u desht 330.000 metra kub  akull dhe borë, njoftojne mediat kieze.

Ju nuk do të besojnë sytë tuaj. Kiniezet e quajne “Qyteti prej akulli..”.  Me pas qenë te nderuara  keto godina nga cokolladat sigurisht do ta quanin “qytet i cokolladeve”. Pra, sigurish tash po e kuptni për cka bëhet fjalë dhe pse quhet “qyteti prej akullit”.

Ju kurrë nuk do të kishte imagjinuar se ishte e mundur për të ndërtuar një gjë të tillë. Kinezët e kanë quajtur Winter Wonderland. Ju do të jetë i befasuar. Për ndertimin e ketij qyteti janë angazhuar me shume se 10,000 punëtorë te cilet njëkohësisht janë edhe duke jetuar në skulptura mbresëlënëse që u desht 330.000 metra kub  akull dhe borë. Ky qytet prej akulli do të rpezentohet në Festivalin vjetor në Kinë që do të hapet për turistët më 4 Januar të ketij viti.

Njeriu-magnet tërhoqi 53 lugë (Video)

Etibar Elchyev, ish-trajneri u kik-boksit nga Gjeorgjia, ka vendosur një rekord të ri botëror, duke u bërë njeriu i cili ka tërhequr më së shumti lugë metali në trupin e tij - gjithsej 53.

Elchyev ka zbuluar vite më parë se trupi i tij tërheq metalet. Ai ka thyer rekordin e vitit 2011, kur ka tërhequr 50 lugë.

Aftësia e tillë e njeriut quhet magnetizëm njerëzor, ndërsa shkencëtarët nuk janë të sigurt se çfarë e shkakton këtë.

40 vjeçarja shtatzënë që pritet të lind 13 fëmijë

Një grua 40- vjeçare irakiane është shtatzënë me 13 fëmijë, edhe pse 5 vitet e fundit nuk ka mundur të ngelë shtatzënë.

Irakenia 40- vjeçare i ka habitur dhe i ka lënë “pa tekst” mjekët, kur kjo nënë e 7 fëmijëve përsëri ka ngelur shtatzënë e aq më tepër se mban 13 fëmijë.

Duke pas parasysh se kjo grua gjatë pesë vjetëve të fundit nuk ka mundur të ngelë shtatzënë, bashkëshorti i saj është martua edhe me një grua tjetër –sepse ligjet e atjeshme në fuqi këtë nuk e pengojnë- por tani është befasuar këndshëm që gruaja e parë është shtatzënë me 13 fëmijë.

Mjekët nga spitali ku është shtrirë kjo grua me 13 fëmijë, kanë bërë ultrazërin dhe kanë konfirmuar se bëhet fjalë për 13 fetuse. “Analizat e para kanë treguar se 4 fetuse nuk kanë puls, ndërsa të tjerët janë në gjendje të mirë.

Po ashtu edhe nëna ndihet mirë dhe ky është rasti më i rrallë i shtatzënisë së këtillë gjatë historisë në botë. Presim që mbase edhe ndonjë nga fetuset të shuhen (vdesin) gjatë stadeve të ardhshme të shtatzënisë, ndërsa ata që do të lindin do të jenë relativisht të vegjël”, ka deklaruar dr. Mikdam Al Jabouri nga spitali “Takreet”.

Zgjohet nga koma, australiani flet gjuhën kineze

Një student australian nisi të fliste kinezisht, një gjuhë nga e cila nuk dinte më parë asnjë fjalë, pasi u zgjua nga një komë disa-mujore në të cilën ndodhej pas një aksidenti me makinë.

Ben McMahon, ndonëse nuk di ta shkruajë, tashmë është në gjendje që të flasë në mënyrë të rrjedhshme kinezishten, madje edhe në tema jashtë sferës së gjërave të përditshme e që kanë nevojë për njohjen e një gjuhe më specifike, siç janë përshembull temat shkencore.

21-vjeçari, gjatë muajve në të cilat qëndroi në koma në një spital të Melburnit ishte nën kujdesin e një infermiere kineze, që me sa duket komunikonte me infermiere të tjera bashkëkombase brenda dhomës, gjatë shërbimit që i bënte studentit.

Ndonëse ky është i vetmi shpjegim, për burimin e mësimit të kinezishtes prej të riut, mjekët dhe ekspertët janë tërësisht të paaftë të gjejnë një shpjegim shkencor, mbi mënyrën se si truri i McMahon ka përthithur gjuhën e panjohur më parë, porsi një i sapolindur.

”Është e pashpjegueshme, por kur u zgjova mendova se isha në Kinë. Atje ishte infermierja kineze dhe nisja t’i flisja në kinezisht. Ajo mbeti e shtangur, ashtu si të afërmit e mi. Më përpara, nuk dija as edhe një fjalë nga kjo gjuhë”, dëshmoi McMahon.

Disa javë pas zgjimit, njohuritë e tij të kinezçes janë aq të mira, sa që McMahon ka nisur një profesion të ri të mirëpaguar, atë të shoqëruesit të grupeve turistike me kinezë, që vijnë në vendin e tij.

Qeni më i vogël në botë

Quhet Miracle (Mrekulli) dhe është qeni më i vogël në botë, më i vogël se pëllëmba e dorës së një njeriu dhe me peshë totale prej rreth 300 gramësh. Një qen i racës Çihuahua, këlyshi Miracle duket se vuan nga mosrritja.

Megjithatë, ai nuk shfaq asnjë defekt tjetër dhe sipas pronarit të tij, një 10-vjeçar britanik, qeni ka një oreks të mirë dhe i pëlqen të pijë qumësht.

“Sipas mësueses sime, është pa dyshim qeni më i vogël që ka lindur ndonjëherë. Megjithatë, për mua është perfekt edhe kështu”, shprehet Kayley-May, transmetojnë mediat e huaja.

Miracle lindi së bashku me katër këlyshë të tjerë, të cilët ngordhën pak pas lindjes. Përpara se t’i linin të birit të tyre kujdestarinë e qenit disa javësh, Miracle-n e çuan tek veterineri, i cili konstatoi se ai nuk vuan nga asnjë problem, përveç të qenit xhuxh.

Kinezi 256 vjeçar, me 23 gra dhe më shumë se 200 fëmijë

Herbalisti kinez, Li Ching-Yuen u lind me 1677 në Kinë sipas dokumenteve zyrtare (edhe pse ai vet thoshte që ka lindur në vitin 1763). Gjatë jetës së tij të gjatë, ai në mënyrë të vazhdueshme ka praktikuar Herbalizmin dhe artet marciale.

Në vitin 1930, New York Times kishte shkruar një artikull për të ku kishin zbuluar dokumente zyrtare kineze të papublikuara më parë. Në mesin e këtyre dokumenteve ishte edhe një komunikatë urimi e vitit 1827, ku qeveria i kishte uruar ditëlindjen e 150 atij.

Dokumente të më vonshme të vitit 1877, zbulojnë urime të tjera për ditëlindjen e tij të 200.

Si e arriti ai këtë moshë?

Li Ching-Yuen e ka shpjeguar jetëgjatësinë e tij me një formulë e cila përmban vetëm një fjali. “Mbaje një zemër të qetë, qëndro si breshkë, ec me shpejtësi të pëllumbit dhe fle si një qen”.

Sidoqoftë, Li Ching-Yuen kishte ndërruar jetë me 6 maj të vitit 1933 pasi që u kishte thënë studentëve të tij që ai e kishte përmbushur misionin e tij në jetë dhe ishte i gatshëm për të shkuar në “shtëpi”.

Ai, gjatë jetës së tij 256 vjeçare, kishte pasur 23 gra dhe kishte rritur më shumë se 200 fëmijë.

Japoni, vazhdon të rritet ishulli i krijuar nga vullkani! (foto)

Vazhdon të rritet ishulli në zonën e Nishi Noshima në Japoni, i cili u krijua papritur nga një shpërthim vullkanik. Në më pak se një muaj, specialistët thonë se ai është rritur me 3 herë.

Nuk i hapet parashuta, por shpëton (video)

Një mrekulli ka ndodhur gjatë një aksidenti me parashutë, ku ka shpëtuar parashhutisti edhe pse u lëshua nga një lartësi ‘tmerruese’.
Gjatë një kërcimi në pistën e këtij sporti ekstrem në Moab të Utahs, nuk shkoj siç u prit. Kjo pasi që parashuta u kthye në drejtim të gurit dhe gjithë atë lartësi, parashutisti e vuajti duke u goditur në për gurë. Por, përkundër kësaj ai shpëtoi.
‘Fatlumi’ në këtë rast pësoi një dëmtim në kurriz, 5 penj në sy dhe disa të tjerë në mjekër, është ndrydhur në pjesën e pasme dhe disa lëndime të lehta.

Rekord i ri i temperaturës më të ulët në Tokë

Meteorologët arritën të regjistrojnë temperaturën më të ulët që termometri ka shënuar ndonjëherë mbi planetin tonë.

Sipas tyre, në një majë mali rreth 4 mijë metra të lartë në Antarktidë është regjistruar gjatë Dhjetorit temperatura e -91,2 gradë celciusve.

Përpara rekordit të shënuar në Majën Fuji, rekordi i mëparshëm i temperaturës më të ftohtë të regjistruar ndonjëherë ishte -89,2 gradë celcius, matur nga stacioni rus i Vostokut, gjithashtu në Antarktidë.

Nëse një njeri do të ekspozohet i pambrojtur në këto temperatura, sytë, mushkëritë dhe hunda do të ngrijnë brenda pak minutash, duke shkaktuar si rrjedhojë vdekjen.

Ndërkohë, qyteza ruse e Oimiakonit në Siberi, me temperaturën -71,2 gradë vazhdon të mbajë rekordin për temperaturën më të ftohtë të regjistruar në një vend të banuar.

Në krahasim, temperatura më e ulët e regjistruar ndonjëherë në Shqiperi është -27,5 gradë celcius, në fshatin e Voskopojës, pranë Korçës, gjatë dimrit të vitit 1967. 

Gjeniu 17 vjeçar që di 23 gjuhë (Video)

Ky është Tim Doner. Ai është nga New Yorku dhe hobi i tij është të mësoj gjuhë të reja.

Ai është vetëm 17 vjeçar dhe deri më tani ka mësuar plotë 23 gjuhë.

Ai këtë hobi e kishte nisur qysh në moshën 11 vjeçare.

Ai ka thënë se filmat dhe hulumtimi i librave të ndryshëm ka bërë që ai të mësoj të gjitha këto gjuhë.

Mirëpo ai nuk dëshiron të ndalet me kaq. Ai ka dëshirë që koleksionit të tij t’i shtoj edhe sudanishten apo gjuhën e Malit. Për më shumë shikojeni Videon. /Zëri/

Lista e plotë e 23 gjuhëve!

Anglisht, Hausa, Rusisht, Yidish, Arabisht, Farsi, Italisht, Indonezisht, isiXhosa, Hindi, Persisht, Frëngjisht, Wolof, Gjermanisht, Hebraisht, Pashto, Mandarin, Turqisht, Holandisht, Swahili, Ojjbëe, Kroatisht dhe Spanjisht. 

Uliks talenti (Foto)

Quhet Uliks Ajeti dhe ende nuk ka mbushur 12 vjet. Pasion ka artin. Kryesisht pikturën dhe skulpturën.

Pamjet e mëposhtme janë punime të Uliksit, punime të djaloshit që premton shumë në fushën e artit.

“E pëlqej Leondardo Da Vincin, Raffaellon, Michelangelon... Të gjithë më pëlqejnë”, thotë Uliksi, nxënës i klasës së gjashtë në shkollën fillore “Faik Konica” në Prishtinë.

Për talentin e tij le të flasin kësaj radhe vetë pikturat dhe skulpturat e Uliksit. /infoglobi/